ગૂગલ પોલિસીમાં ફેરફાર:ગૂગલ પોલિસીમાં મોટો ફેરફાર, ટૂંક સમયમાં મોબાઈલ ફોન પર કોલ રેકોર્ડિંગ બંધ થઈ જશે

ફોનમાં રેકોર્ડિંગ સુવિધાનો ઉપયોગ કરી શકાય છે

એન્ડ્રોઇડ ફોન પર કૉલ રેકોર્ડિંગ ટૂંક સમયમાં બંધ કરવામાં આવશે, પરંતુ સંપૂર્ણપણે નહીં. ગૂગલે તાજેતરમાં તેની પ્લે સ્ટોર પોલિસીને ઘણા ફેરફારો સાથે અપડેટ કરી છે જે 11 મેથી અમલમાં આવશે. નવી પોલિસીમાં ફેરફારથી પ્લે સ્ટોર પર ઉપલબ્ધ કોલ રેકોર્ડિંગ એપ્લિકેશન પર મોટી અસર પડશે.

નવી Google Play Store નીતિ તેને બદલશે
રિમોટ કૉલ ઑડિઓ રેકોર્ડિંગ માટે ઍક્સેસિબિલિટી API ની વિનંતી કરી શકાતી નથી, જેનો અર્થ એ છે કે એપ્લિકેશનોને કૉલ રેકોર્ડ કરવાની પરવાનગી નહીં હોય. મતલબ કે Truecaller, ઓટોમેટિક કોલ રેકોર્ડર, Cube ACR અને અન્ય લોકપ્રિય એપ કામ કરશે નહીં.

જો તે ફોનમાં હોય તો રેકોર્ડિંગ સુવિધાનો ઉપયોગ કરી શકાય છે
જો તમારા એન્ડ્રોઇડ ફોનના ડાયલરમાં ડિફોલ્ટ રૂપે કોલ રેકોર્ડિંગ ફીચર હોય, તો તમે કોલ રેકોર્ડ કરી શકો છો. ગૂગલે ખુલાસો કર્યો છે કે પ્રી-લોડેડ કોલ રેકોર્ડિંગ એપ અથવા ફીચરને ઍક્સેસિબિલિટી પરમિશનની જરૂર રહેશે નહીં, આમ નેટિવ કૉલ રેકોર્ડિંગ કામ કરશે.

જો એપ ફોન પર ડિફોલ્ટ ડાયલર હોય અને તે પ્રીલોડ પણ હોય, તો આવનારા ઓડિયો સ્ટ્રીમને એક્સેસ કરવા માટે એક્સેસિબિલિટીની જરૂર નથી, એમ ગૂગલ વેબિનારમાં પ્રસ્તુતકર્તાએ જણાવ્યું હતું.

Xiaomi ફોનનો ઉપયોગ કરતા લોકો માટે કોઈ ટેન્શન નથી
અત્યાર સુધી Google ના Pixel અને Xiaomi ફોન તેમની ડાયલર એપ્સ પર ડિફોલ્ટ કોલ રેકોર્ડર સાથે આવ્યા છે. તેથી જો તમારી પાસે Pixel અથવા Xiaomi ફોન હોય તો તમારે ગભરાવાની જરૂર નથી.