મનોરંજન / 'સ્ત્રી 2'એ 15મા દિવસે કમાણીમાં 7 મોટી ફિલ્મોનો તોડ્યો રેકોર્ડ, કુલ કલેક્શન 450,00,00,000 રૂપિયાની નજીક
Bollywood film 'Stree 2' is now seeing a decline in earnings, though it is beating many films. Even on day 15, 'Stree 2' has surpassed Jawan-Gadar 2.
શ્રદ્ધા કપૂર અને રાજકુમાર રાવ સ્ટારર ફિલ્મ ‘સ્ત્રી 2’એ બોક્સ ઓફિસ પર ધૂમ મચાવી છે. આ ફિલ્મને દર્શકો તરફથી એટલો બધો સારો પ્રતિસાદ મળ્યો છે કે 15 ઓગસ્ટે રિલીઝ થયેલી આ ફિલ્મે બોક્સ ઓફિસ પર બે શાનદાર સપ્તાહ પૂર્ણ કર્યા છે. આ દરમિયાન, ‘સ્ત્રી 2’ એ માત્ર જબરદસ્ત કમાણી જ નથી કરી પરંતુ ઘણી ફિલ્મોના લાઇફટાઈમ કલેક્શનને પણ પાછળ છોડી દીધા છે. આ બધાની વચ્ચે, ચાલો જાણીએ કે ‘સ્ત્રી 2’ એ તેની રિલીઝના 15મા દિવસે એટલે કે ત્રીજા ગુરુવારે કેટલું કલેક્શન કર્યું છે?
‘સ્ત્રી 2’ એ 15મા દિવસે કેટલી કમાણી કરી?
‘સ્ત્રી 2’ એ બોક્સ ઓફિસ પર જબરદસ્ત કબજો જમાવીને રાખ્યો છે. આ ફિલ્મ ખેલ ખેલ મેં, વેદા જેવી ઘણી ફિલ્મોની સાથે સ્વતંત્રતા દિવસના અવસરે સિનેમાઘરોમાં રિલીઝ થઈ, પરંતુ ‘સ્ત્રી 2’ને કોઈ ટક્કર આપી શક્યું નથી. આ હોરર કોમેડી સામે, તમામ નવી રીલિઝ થયેલી ફિલ્મો પહેલા જ અઠવાડિયામાં સરેન્ડર થઈ ગઈ અને ત્યારથી લઈને આજ સુધી ‘સ્ત્રી 2’ ટિકિટ કાઉન્ટર પર ટકી રહી છે. જો કે, ફિલ્મની વાર્તા અને સ્ટાર કાસ્ટના અભિનયની સાથે તેનું ડિરેક્શન પણ જબરદસ્ત છે જેના કારણે તેની રિલીઝના બે અઠવાડિયા પછી પણ ‘સ્ત્રી 2’નો ફીવર દર્શકો પરથી ઉતરી રહ્યો નથી.
‘સ્ત્રી 2’ના અત્યાર સુધીના કલેક્શનની વાત કરીએ તો ફિલ્મે પહેલા અઠવાડિયામાં 291 કરોડ રૂપિયાની કમાણી કરી છે. ત્યાર બાદ બીજા સપ્તાહમાં તેણે બીજા શુક્રવારે 17.5 કરોડ રૂપિયા, બીજા શનિવારે 33 કરોડ, બીજા રવિવારે 42.4 કરોડ, બીજા સોમવારે રૂપિયા 18.5 કરોડ, બીજા મંગળવારે રૂપિયા 11.75 કરોડ અને બીજા બુધવારે રૂપિયા 9.75 કરોડની કમાણી કરી. હવે ત્રીજા ગુરુવાર એટલે કે 15મા દિવસે ફિલ્મની કમાણીના પ્રારંભિક આંકડા આવી ગયા છે. અહેવાલો અનુસાર, ‘સ્ત્રી 2’ એ તેની રિલીઝના 15મા દિવસે એટલે કે ત્રીજા ગુરુવારે 8.25 કરોડ રૂપિયાની કમાણી કરી છે. આ સાથે ‘સ્ત્રી 2’નું 15 દિવસનું કુલ કલેક્શન હવે 432.80 કરોડ રૂપિયા થઈ ગયું છે.
‘સ્ત્રી 2’ એ 15મા તોડ્યા આ ફિલ્મોના રેકોર્ડ
હવે ‘સ્ત્રી 2’ની કમાણીમાં નોંધપાત્ર ઘટાડો જોવા મળી રહ્યો છે. આ ફિલ્મ 14મા દિવસથી 10 કરોડથી ઓછી કમાણી કરી રહી છે. આમ છતાં ‘સ્ત્રી 2’ ઘણી ફિલ્મોને પાછળ છોડી રહી છે. 15મા દિવસે પણ ‘સ્ત્રી 2’ એ એનિમલ, બાજીરાવ મસ્તાની જવાન અને ગદર 2ના 15મા દિવસના કલેક્શનનો રેકોર્ડ તોડી દીધો છે. જણાવી દઈએ કે 15મા દિવસે સૌથી વધુ કલેક્શન કરનારી ફિલ્મોમાં સ્ત્રી 2 ત્રીજા સ્થાને છે. બાહુબલી 2 એ 15મા દિવસે 10.5 કરોડ રૂપિયાની કમાણી કરી હતી, બ્રહ્માસ્ત્રે 15મા દિવસે 8.5 કરોડ રૂપિયાનો બિઝનેસ કર્યો હતો; ‘સ્ત્રી 2’ એ 15મા દિવસે 8.25 કરોડ રૂપિયાની કમાણી કરી છે. એનિમલની 15મા દિવસની કમાણી 7.75 કરોડ રૂપિયા હતી; બાજીરાવ મસ્તાનીનું 15મા દિવસનું કલેક્શન 7.49 કરોડ હતું; જવાને 15મા દિવસે 7.25 કરોડ રૂપિયાની કમાણી કરી હતી; ગદર 2ની 15મા દિવસે કમાણી 7.1 કરોડ રૂપિયા હતી.
‘સ્ત્રી 2’ની સ્ટાર કાસ્ટ
‘સ્ત્રી 2’ દિનેશ વિજનના હોરર-કોમેડી યુનિવર્સનો એક ભાગ છે. આ હોરર કોમેડીનો પહેલો ભાગ વર્ષ 2018માં રિલીઝ થયો હતો. અમર કૌશિક દ્વારા નિર્દેશિત, ‘સ્ત્રી 2’ એક હોરર કોમેડી ફિલ્મ છે જેમાં શ્રદ્ધા કપૂર સિવાય રાજકુમાર રાવ, પંકજ ત્રિપાઠી, અભિષેક બેનર્જી અને અપારશક્તિ ખુરાનાએ મુખ્ય ભૂમિકા ભજવી છે.
