યુપીના સીએમ યોગી આદિત્યનાથને જાનથી મારી નાખવાની ધમકી, ડાયલ પર 100થી વધુ મેસેજ આવ્યા

ઉત્તર પ્રદેશના મુખ્યમંત્રી યોગી આદિત્યનાથને જાનથી મારી નાખવાની ધમકી મળ્યા બાદ લખનૌમાં એક અજાણ્યા વ્યક્તિ વિરુદ્ધ કેસ નોંધવામાં આવ્યો છે. લખનઉ પોલીસે આજે આ અંગે માહિતી આપી હતી. આ ધમકી ‘112 ઈમરજન્સી’ મેસેજ દ્વારા મળી હતી.

વ્યક્તિએ ધમકીભર્યો મેસેજ મોકલ્યો હતો

ધમકી આપનાર વ્યક્તિએ કહ્યું, ‘હું ટૂંક સમયમાં સીએમ યોગીને મારી નાખીશ’. ધમકી મળ્યા બાદ ‘112’ના ઓપરેશન કમાન્ડરે સુશાંત ગોલ્ફ સિટી પોલીસ સ્ટેશનમાં કેસ નોંધ્યો છે. આઈપીસી કલમ 506, 507 અને આઈટી એક્ટ 66 હેઠળ કેસ નોંધવામાં આવ્યો છે.

ફેસબુક પર ધમકીઓ મળી ચૂકી છે

આ પહેલીવાર નથી જ્યારે સીએમ યોગી આદિત્યનાથને આવી ધમકીઓ આપવામાં આવી હોય, યોગી સરકાર દ્વારા લેવામાં આવેલા કડક પગલાંને કારણે તેમને ઘણી વખત ધમકી આપવામાં આવી છે. એક અઠવાડિયા પહેલા પણ તેને ફેસબુક દ્વારા જાનથી મારી નાખવાની ધમકી મળી હતી.

આ ફેસબુક પોસ્ટ બાગપતના અમન રઝા પ્રોફાઈલ પરથી શેર કરવામાં આવી હતી, આ પોસ્ટમાં સીએમ યોગીને ગોળી મારી દેવાની ધમકી આપવામાં આવી હતી, ત્યારબાદ આ પોસ્ટ સોશિયલ મીડિયા પર વાયરલ થઈ હતી. આ મામલે પોલીસે કાર્યવાહી હાથ ધરી આરોપીની ધરપકડ કરી છે.