ચોંકાવનારો બનાવ:જમ્મુના એક ઘરમાંથી 6 મૃતદેહ મળ્યાં, મૃતકોમાં મહિલા અને તેના ત્રણ સંતાન પણ સામેલ
Shocking incident: 6 dead bodies found in a house in Jammu, the dead include a woman and her three children
જમ્મુના સિધરામાં એક ઘરમાંથી 6 મૃતદેહો મળી આવતાં ખળભળાટ મચી ગયો છે. શંકાસ્પદ હાલતમાં આ મૃતદેહો મળી આવ્યા છે. જાણવા મળ્યું છે કે, મૃતકોમાં એક મહિલા, તેના બે દીકરીઓ અને 2 સંબંધીઓ સામેલ છે. આ લોકોના મૃત્યુ કેવી રીતે થયાં તે જાણવા મળ્યું નથી. પોલીસે તમામ દિશામાં તપાસ શરૂ કરી છે. જેમના મૃતદેહો મળ્યાં છે તેમાં મહિલાની ઓળખ શકીના બેગમ તરીકે થઈ છે. જ્યારે તેની બે દીકરીઓ નસીમા અખ્તર અને રૂબિના બાનો તથા દીકરો ઝફર સલીમ છે. અ મહિલાના બે સંબંધીઓ નૂર અલ હબીબ અને સજ્જાદ અહમદ સામેલ છે.
પોસ્ટ મોર્ટમ રિપોર્ટ આવ્યા પછી સાચું કારણ સામે આવશે
પોલીસે તમામ મૃતદેહોનો કબજો લઈને સરકારી મેડિકલ કોલેજમાં મોકલી આપ્યા છે. પોલીસે દરેક દિશામાં તપાસ શરૂ કરી છે પણ હજુ કાંઈ પણ કહેવાનો ઈન્કાર કર્યો છે. પોલીસે માત્ર એટલું કહ્યું કે પોસ્ટ મોર્ટમ રિપોર્ટ આવ્યા પછી મૃત્યુનું સાચું કારણ જાણવા મળશે.
આતંકીઓએ શોપિયામાં બે ભાઈઓ પર ફાયરિંગ કર્યું હતું
ગઈકાલે કાશ્મીરના શોપિયામાં આતંકવાદીઓએ સફરજનના બગીચામાં કામ કરી રહેલા બે પંડિત ભાઈઓ પર ફાયરિંગ કર્યું હતું, જેમાંથી એક ભાઈ સુનીલ કુમારનું મૃત્યુ થયું હતું. બીજો ભાઈ પિન્ટૂ કુમાર સારવારમાં છે.
