સાચવજો / ભારત પર આવી રહી છે વધુ એક આફત! દિલ્હી સહિત અનેક રાજ્યોમાં મચાવી શકે છે તબાહી
Yagi Storm In India Latest News : As the remnants of the storm and the depression and low pressure system formed in the Bay of Bengal have decided to drench the entire North India, the Yagi Storm from China will show its effect in the whole of India.
Yagi Storm In India : ચીનમાંથી ઊભું થયેલું યાગી વાવાઝોડું (Yagi Storm) સમગ્ર ભારતમાં પોતાની અસર બતાવવાની તૈયારી કરી રહ્યું છે. વાસ્તવમાં ચક્રવાત યાગી ચીનથી થાઈલેન્ડ, વિયેતનામ અને ફિલિપાઈન્સ થઈને બંગાળની ખાડી તરફ આગળ વધ્યું છે. મળતી માહિતી મુજબ તોફાનના અવશેષો અને બંગાળની ખાડીમાં સર્જાયેલી ડિપ્રેશન અને લો પ્રેશર સિસ્ટમે સમગ્ર ઉત્તર ભારતને ભીંજવવાનો નિર્ણય લીધો છે. આવી સ્થિતિમાં જો વરસાદ પડે તો ઉત્તર પ્રદેશ, મધ્યપ્રદેશ, રાજસ્થાન-NCR સુધીનો વિસ્તાર વરસાદથી ભીંજાઈ જશે.
દિલ્હી સાથે અનેક રાજ્યોમાં યલો એલર્ટ જાહેર
ભારતીય હવામાન વિભાગ અનુસાર હાલમાં દિલ્હી-NCR વિસ્તાર માટે યલો એલર્ટ જાહેર કરવામાં આવ્યું છે. દિલ્હીની સાથે 11 થી 14 સપ્ટેમ્બર વચ્ચે હરિયાણા, પશ્ચિમી ઉત્તર પ્રદેશ, ઉત્તરાખંડ અને મધ્ય પ્રદેશ જેવા અન્ય ઘણા રાજ્યો માટે પણ આ યલો એલર્ટ જાહેર કરવામાં આવ્યું છે. હવામાન વિભાગે અનુમાન લગાવ્યું છે કે, પૂર્વી ઉત્તર પ્રદેશ, પૂર્વ રાજસ્થાન, ચંદીગઢ, પશ્ચિમ રાજસ્થાન અને પંજાબ સહિત ઘણા વિસ્તારોમાં વરસાદ જોવા મળી રહ્યો છે . એવું માનવામાં આવે છે કે, 15 સપ્ટેમ્બર પછી ચોમાસું પાછું ખેંચવાનું શરૂ કરે છે પરંતુ આ વખતે એવું અનુમાન છે કે, ચોમાસું ઓક્ટોબરના પ્રથમ અઠવાડિયા પછી થઈ શકે છે.
બંગાળની ખાડી સુધી પહોંચશે યાગી વાવાઝોડું (Yagi Storm)
ઉત્તર-પશ્ચિમ મધ્ય પ્રદેશના વિસ્તારમાં ડિપ્રેશન સર્જાયું છે. જ્યારે દક્ષિણ-પશ્ચિમ ઉત્તર પ્રદેશમાં યાગી વાવાઝોડું (Yagi Storm)ની અસર જણાતી નથી. આ ડિપ્રેશન બંગાળની ખાડીમાં સર્જાયું હતું. આ ડિપ્રેશનની રચનાને કારણે વિયેતનામ તરફ હાજર યાગી વાવાઝોડાને ઘણો ટેકો મળ્યો. જેના કારણે યાગી વાવાઝોડું (Yagi Storm) બંગાળ તરફ ખેંચાયું હતું. 8 કિમી/કલાકની ઝડપે ઉત્તર-પશ્ચિમ દિશામાં આગળ વધી રહેલા આ ડિપ્રેશનની અસર મુખ્યત્વે ગ્વાલિયર, ઝાંસી, આગ્રા, અલીગઢમાં જોવા મળે છે.
અનુમાન છે કે, આગામી 24 કલાકમાં તે ધીરે ધીરે ઉત્તર-પૂર્વ તરફ આગળ વધીને દિલ્હી અને લખનૌ પહોંચશે. તેની અસર આગામી 3-4 દિવસ સુધી રહેશે. આ વાવાઝોડાને કારણે દક્ષિણ ગુજરાત પર પણ સાયક્લોનિક સરક્યુલેશન સર્જાઈ રહ્યું છે. જેના કારણે આગામી 2-3 દિવસ સુધી અહીં વરસાદની સંભાવના છે.
તાજેતરના સમયમાં વરસાદ અને ગરમીની ઘણી અસરો જોવા મળી રહી છે. ગુજરાત, આંધ્રપ્રદેશ અને તેલંગાણામાં વરસાદે તારાજી સર્જી છે. જેના કારણે દરિયામાં ગરમી વધી રહી છે તે હવામાનને અસર કરે છે. એ જ રીતે શ્રીકાકુલમ, કટક, ગુંટુર, પશ્ચિમ ચંપારણના વિસ્તારો પૂર માટે જાણીતા છે. પરંતુ આ વર્ષે હજુ પણ અહીં દુષ્કાળ છે.
