હવામાન / યુપી-બિહાર, જમ્મુ અને કાશ્મીર સહિત 14 રાજ્યોમાં ભારે વરસાદનું એલર્ટ, ગુજરાતમાં આ જિલ્લામાં આગાહી
Light to heavy rain is falling in some states including Gujarat. At that time, the Meteorological Department has announced a heavy rain alert in 14 states.
Heavy Rain Forecast: હવામાન વિભાગે ઉત્તર પ્રદેશ, બિહાર, રાજસ્થાન, મહારાષ્ટ્ર અને જમ્મુ-કાશ્મીર સહિત 14 રાજ્યોમાં ભારે વરસાદનું એલર્ટ જાહેર કર્યું છે. ગુજરાતમાં મુશળધાર વરસાદ બાદ 18 જિલ્લાઓમાં પૂરની સ્થિતિ છે. હવામાન વિભાગના જણાવ્યાનુસાર ગુજરાત માટે રેડ એલર્ટ છે.
અનેક રાજ્યોમાં હવામાન વિભાગની આગાહી
હવામાન વિભાગ (IMD)એ ગુજરાત, હિમાચલ પ્રદેશ, પશ્ચિમ રાજસ્થાન, કેરળ, ઓડિશા, ઉત્તર પ્રદેશ, બિહાર, મહારાષ્ટ્ર, ઝારખંડ અને જમ્મુ-કાશ્મીર સહિત 14 રાજ્યોમાં ભારે વરસાદની આગાહી કરી છે. રાજધાની દિલ્હી અને તેની આસપાસના વિસ્તારોમાં બુધવારે (28 ઓગસ્ટ) મોડી રાતથી વરસાદ પડી રહ્યો છે. હવામાન વિભાગે ઉત્તર પ્રદેશના અનેક જિલ્લાઓમાં પણ વરસાદની આગાહી કરી છે. ગુજરાતમાં પૂરને કારણે અનેક લોકો પ્રભાવિત થયા છે. વરસાદ અને પૂર સંબંધિત અકસ્માતોમાં અત્યાર સુધીમાં 19 લોકોના મોત થયાના અહેવાલ છે. વડાપ્રધાન નરેન્દ્ર મોદીએ રાજ્ય સરકારને શક્ય તમામ મદદ કરવાની ખાતરી આપી છે.
અનેક વિસ્તારોમાં ગાજવીજ અને ભારે વરસાદ
ગુજરાત ઉપરાંત રાજસ્થાનમાં પણ ઘણી જગ્યાએ ગાજવીજ સાથે ભારે વરસાદ નોંધાયો હતો. માઉન્ટ આબુમાં સૌથી વધુ 88.2 મિ.મી વરસાદ નોંધાયો હતો. ગંગાનગર અને સિરોહી જિલ્લામાં ભારે વરસાદ થયો હતો. હવામાન વિભાગે સપ્ટેમ્બરના પ્રથમ અઠવાડિયામાં રાજ્યમાં ભારે વરસાદની આગાહી કરી છે.
ગંગાના જળસ્તરમાં વધારો
બિહારના પટનામાં ગંગાના જળસ્તર ખતરાના નિશાનને વટાવી ગયું કરવાને કારણે નીચાણવાળા વિસ્તારોમાં 76 સરકારી શાળાઓ આગામી બે દિવસ સુધી બંધ કરી દેવામાં આવી છે. વિદ્યાર્થીઓ અને શિક્ષકોની સુરક્ષા માટે આ નિર્ણય લેવામાં આવ્યો છે. જમ્મુ-કાશ્મીરના રામબન જિલ્લામાં બુધવારે છ વર્ષની બાળકીનો મૃતદેહ મળી આવ્યો હતો.
ગુજરાતમાં આગામી ત્રણ કલાક માટે આગાહી
આ તરફ હવામાન વિભાગે આગામી 3 કલાક માટે રાજ્યના વિવિધ વિસ્તારમાં ગાજવીજ સાથે વરસાદની આગાહી કરી છે. જેમાં કચ્છ, જામનગર, મોરબી, દેવભૂમિ દ્વારકા, પોરબંદર, રાજકોટ, જુનાગઢમાં ભારે વરસાદની આગાહી કરવામાં આવી છે. જ્યારે સુરેન્દ્રનગર, અમરેલી, ગીર સોમનાથ, દિવ, બોટાદમાં મધ્યમ વરસાદની તેમજ બનાસકાંઠા, પાટણ, સાબરકાંઠા, મહેસાણા અરવલ્લી, ગાંધીનગર, અમદાવાદ, ભાવનગર, મહિસાગર, દાહોદ, પંચમહાલ, ખેરા, આણંદ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદર અને નગર હવેલીમાં હળવા વરસાદની આગાહી કરવામાં આવી છે.
