8000 કરોડનું નુકસાનઃ 189ના મોતઃ 650 રસ્તા બંધઃ સેંકડો મકાનો ધરાશાયી
સિમલા, તા. 31
હિમાચલ પ્રદેશમાં છેલ્લા 75 વર્ષોમાં વરસાદને કારણે ન થયો હોય એવો દુષ્કાળ પડ્યો છે અને રાજ્યમાં 8 હજાર કરોડ રૂપિયાની સંપત્તિનું નુકસાન થયું છે અને 189થી વધુ લોકો માર્યા ગયા છે જ્યારે 34થી વધુ લોકો લાપતા છે.
રાજ્યની વિધાનસભામાં આ અંગે માહિતી આપતાં રાજ્યના મુખ્યમંત્રીએ કહ્યું કે વરસાદે રાજ્યમાં 75 વર્ષમાં સૌથી મોટો વિનાશ નોંધાવ્યો છે. 702 મકાનો સંપૂર્ણપણે નાશ પામ્યા છે. 7161 મકાનોને આંશિક નુકસાન થયું છે અને 650થી વધુ રસ્તાઓ બંધ છે.
રાજ્યમાં જે રીતે ભારે વરસાદને કારણે ભૂસ્ખલન થયું છે તેનાથી પ્રવાસન પર પણ અસર પડી છે. હજુ છ દિવસ વરસાદી એલર્ટ. કુલ્લુ સહિતના વિસ્તારોમાં શાળાઓ બંધ કરી દેવામાં આવી છે અને મોટાભાગના વિસ્તારોમાં યલો એલર્ટ જાહેર કરવામાં આવ્યું છે.
