પંજાબના ભટિંડામાં મિલિટરી સ્ટેશન પર ફાયરિંગ, 4ના મોત, સર્ચ ઓપરેશન ચાલુ

ભટિંડાના એક મિલિટરી સ્ટેશનમાં ફાયરિંગની ઘટના સામે આવી છે. આ ઘટનામાં 4 લોકોના મોત થયા હોવાનું જણાય છે.

પંજાબના ભટિંડામાં આર્મી બેઝ પર ફાયરિંગની ઘટના સામે આવી છે. આ ઘટનામાં 4 લોકોના મોત થયા હોવાનું જણાય છે. આ ઘટના સવારે 4.35 કલાકે બની હતી. ક્વિક રિએક્શન ટીમ હાલમાં સ્ટેશન પર સક્રિય છે. સમગ્ર વિસ્તારને કોર્ડન કરીને સીલ કરી દેવામાં આવ્યો છે. સર્ચ ઓપરેશન ચાલુ છે. સૂત્રોના જણાવ્યા પ્રમાણે હવે ફાયરિંગ બંધ થઈ ગયું છે. કહેવામાં આવી રહ્યું છે કે આ ઘટના અધિકારીઓની મેસની અંદર બની હતી.

ભટિંડાનું લશ્કરી સ્ટેશન શહેરની નજીક આવેલું છે. તે એક જૂનું અને વિશાળ લશ્કરી સ્ટેશન છે. અગાઉ તે શહેરથી થોડું દૂર હતું, પરંતુ શહેરના વિસ્તરણ સાથે, લશ્કરી થાણું હવે રહેણાંક વિસ્તારની નજીક આવી ગયું છે. આ મિલિટરી સ્ટેશનની બહાર કોઈપણ સામાન્ય વાહન પહોંચી શકે છે. આ સ્ટેશનોની બહાર સામાન્ય રીતે કડક સુરક્ષા હોય છે.