શાહરૂખની મન્નતમાં બે ગુજરાતી યુવાનોની છેડછાડ, પોલીસે કરી ધરપકડ

મુંબઈમાં અભિનેતા શાહરૂખ ખાનના બંગલામાં ગઈકાલે રાત્રે એક ચોંકાવનારી ઘટના બની હતી. શાહરૂખના બંગલામાં બે યુવકો ઘૂસ્યા. બાદમાં આ બંને યુવકોની ધરપકડ કરવામાં આવી હતી.

પોલીસે બંને યુવકો સામે ગુનો નોંધ્યો હતો

મુંબઈમાં ગઈ કાલે બે યુવકો બાંદ્રામાં અભિનેતા શાહરૂખ ખાનના મન્નત બંગલામાં સિક્યુરિટી ગાર્ડની આંખમાં ધૂળ નાખીને દિવાલ કૂદીને પ્રવેશ્યા હતા. આ બંને યુવકો બંગલાના ત્રીજા માળે પહોંચ્યા હતા. જોકે, સુરક્ષાકર્મીઓની નજર પડતાં જ બંને યુવકો ઝડપાઈ ગયા હતા. સિક્યોરિટી ગાર્ડે શાહરૂખ ખાનની ટીમને આ બાબતે અપડેટ જાણ કરી હતી. બાદમાં આ મામલે પોલીસ ફરિયાદ કરવાનું નક્કી કર્યું હતું. આ ઘટના અંગે બાંદ્રા પોલીસ સ્ટેશનમાં કેસ નોંધવામાં આવ્યો હતો. પોલીસે બંને યુવકો સામે ગુનો નોંધ્યો હતો. બંને યુવકોને પોલીસે કસ્ટડીમાં લીધા હતા.

બંને યુવકો ગુજરાતમાંથી આવ્યા હોવાનું બહાર આવ્યું હતું

મામલો પોલીસને સોંપાયો હતો. પ્રાથમિક તપાસમાં બંને યુવકો ગુજરાતના સુરતના હોવાનું અને બંને યુવકોની ઉંમર 21 થી 25 વર્ષની આસપાસ હોવાનું જાણવા મળ્યું હતું. પોલીસે આ બંને યુવકો સામે ભારતીય દંડ સંહિતાની કલમો હેઠળ ગુનો નોંધી તપાસ હાથ ધરી છે. આ મામલે પોલીસે જણાવ્યું કે બંને યુવકોની પૂછપરછ કર્યા બાદ તેઓ અભિનેતાને મળવા આવ્યા હતા.