જામનગર નજીક આવેલી હોટલ એલેન્ટોમાં ભીષણ આગ, 27 લોકોને રેસ્ક્યુ કરાયા
Fierce fire in Hotel Elanto near Jamnagar, 27 people were rescued
રક્ષા બંધનના દિવસે મોડી સાંજે જામનગર-ખંભાળિયા હાઈવે પર સિક્કા પાટિયા પાસે આવેલી હોટલ ઈલાંટામાં અચાનક ભીષણ આગ ફાટી નીકળી હતી. આગ એટલી વિકરાળ હતી કે થોડી જ વારમાં તેણે આખી હોટલને લપેટમાં લીધી હતી. આગની જ્વાળાઓ દૂર દૂરથી જોઈ શકાતી હતી. આ આગમાં 27 લોકો ફસાયા હતા. જેમને બચાવી લેવામાં આવ્યા છે.
રક્ષાબંધનના દિવસે મોડી સાંજે સૌરાષ્ટ્રના જામનગર નજીક એક ખાનગી હોટલમાં ભીષણ આગ ફાટી નીકળી હતી. તે સમયે હોટલમાં લગભગ 27 લોકો હતા. થોડી જ વારમાં આગએ વિકરાળ સ્વરૂપ ધારણ કરી લીધું હતું. આગની જ્વાળાઓ દૂરથી પણ જોઈ શકાતી હતી. આગને કાબુમાં લેવા માટે રિલાયન્સ, જીએસએફસી અને જામનગર ફાયર બ્રિગેડની ટીમો ઘટનાસ્થળે પહોંચી હતી અને આગમાં ફસાયેલા લોકોને બહાર કાઢ્યા હતા. પ્રાથમિક તબક્કે શોર્ટ સર્કિટના કારણે આગ લાગી હોવાનું માનવામાં આવે છે.
જામનગર-ખંભાળિયા હાઈવે પર સિક્કા પાટિયા પાસે આવેલી હોટલ ઈલાન્ટામાં ગુરુવારે મોડી સાંજે અચાનક આગ ફાટી નીકળી હતી. આગ એટલી વિકરાળ હતી કે થોડી જ વારમાં તેણે આખી હોટલને લપેટમાં લીધી હતી. રિલાયન્સ, જીએસએફસી અને જામનગર ફાયર બ્રિગેડની ટીમ આગને કાબુમાં લેવા દોડી આવી હતી. લગભગ બે કલાકની જહેમત બાદ આગ પર કાબુ મેળવ્યો હતો. 10 જેટલી એમ્બ્યુલન્સ પણ ઘટનાસ્થળે રવાના કરવામાં આવી હતી.
પોલીસના જણાવ્યા અનુસાર હોટલના કુલ 18 રૂમમાં 27 જેટલા લોકો ફસાયા હતા, જેમને બચાવી લેવાયા છે. જામનગર એસપી પ્રેમસુખ ડેલુએ જણાવ્યું હતું કે સદનસીબે આગમાં કોઈ જાનહાનિ થઈ નથી અને કોઈને ઈજા થઈ નથી. તેમના જણાવ્યા મુજબ, ત્રણ લોકો આગથી ગભરાઈ ગયા હોવાથી તેમને હોસ્પિટલ લઈ જવામાં આવ્યા હતા. જોકે, તે ત્રણ લોકોને પણ કોઈ પ્રકારની ઈજા થઈ નથી. એસપીએ કહ્યું કે હોટલમાં કુલ 36 રૂમ છે અને તેમાંથી 18માં લોકો રોકાયા હતા. ફાયર એલાર્મ વાગ્યું, જેના કારણે બધા રૂમની બહાર દોડી ગયા. બાદમાં તમામને બચાવી લેવાયા હતા.
આ આગના કારણે વિસ્તારમાં અફરાતફરીનો માહોલ સર્જાયો હતો. જો આગ હોટલની આસપાસના વિસ્તારમાં ફેલાઈ હોત તો મોટું નુકસાન થયું હોત. પરંતુ સદનસીબે આવું કંઇ બને તે પહેલા આગ કાબુમાં આવી ગઇ હતી.
