આઘાતજનક અકસ્માત, VIDEO: કામરેજ વાવ જોખા રોડ પર કાર સાથે બાઇક અથડાતા આગ લાગી; યુવક આગમાં ભડકી ગયો
સુરત જિલ્લાના કામરેજ તાલુકાના વાવ ગામ પાસે ગુરુવારે રાત્રે એક ગંભીર અકસ્માત સર્જાયો હતો. રોંગ સાઇડથી આવી રહેલી મોટરસાઇકલ CNG કાર સાથે અથડાઇ હતી. અકસ્માતમાં કારમાં આગ લાગી હતી. યુવાન બાઇકચાલક પણ આગની લપેટમાં આવી ગયો હતો અને આગમાં દાઝી ગયો હતો. આ ભયાનક અકસ્માતનો વીડિયો સામે આવ્યો છે.
રોંગ સાઇડથી આવતી બાઇક કાર સાથે અથડાઇ હતી
બનાવ સંદર્ભે પોલીસ સુત્રો પાસેથી મળતી માહિતી મુજબ કામરેજ તાલુકાના વાવ ગામે રહેતો શૈલેષ દિપકભાઈ મિસ્ત્રી જેની માતાને બારડોલીની હોસ્પિટલમાં દાખલ કરવામાં આવી હતી. શૈલેષ તેની CNG અલ્ટો કાર નંબર GJ-05-RB-6167 લઈને બારડોલી ગયો હતો કારણ કે તેણે તેની માતાની હોસ્પિટલનું બિલ ભરવાનું હતું. દરમિયાન વાવથી જોળા રોડ પર ચાર રસ્તા પાસે અચાનક રોંગ સાઈડથી આવી રહેલ મોટરસાઈકલ તેમની કાર સાથે અથડાઈ હતી.
પોલીસે વધુ તપાસ હાથ ધરી
સુરત શહેરના બે યુવકો મોટર સાયકલ નંબર જીજે-05-એમઇ-0105 પર સવાર હતા. સુરતના રમેશ ગુલાબભાઈ મિસ્ત્રી અને વિષ્ણુ શેટ્ટી નામના બંને યુવાનો મોટરસાઈકલ પર કાર સાથે અથડાયા હતા. અકસ્માતમાં રમેશ મિસ્ત્રી કારના આગળના ભાગે પડી ગયો હતો અને સાગર વિષ્ણુ શેટ્ટી રોડની સાઈડ પર પટકાયો હતો. અકસ્માતમાં કારમાં અચાનક આગ લાગી હતી. આગમાં કારના આગળના ભાગે પડેલો યુવાન દાઝી ગયો હતો. જ્યારે અન્ય એક યુવાનને ગંભીર ઇજાઓ સાથે 108ની મદદથી હોસ્પિટલમાં ખસેડાયો હતો. બનાવ અંગે પોલીસને જાણ કરતાં પોલીસે વધુ તપાસ હાથ ધરી છે.
