GTU એક્શન મોડમાં: 4 ડિપ્લોમા - 5 ડિગ્રી એન્જિનિયરિંગ સહિત કુલ 9 કોલેજોને નો-એડમિશન ઝોનમાં મૂકવામાં આવી
GTU in action mode: A total of 9 colleges, including 4 diploma - 5 degree engineering, placed in no-admission zone
ગુજરાત એજ્યુકેશન: જીટીયુએ 435 સંલગ્ન કોલેજો પાસેથી ઓનલાઈન સેલ્ફ-ડિસ્ક્લોઝર મંગાવ્યું. જેમાં લેબોરેટરીમાંથી શિક્ષકો, આચાર્ય અને સ્ટાફની અછત ધરાવતી કોલેજો સામે કાર્યવાહી કરવામાં આવી છે.
ડિગ્રી ડિપ્લોમા કોલેજમાં વિદ્યાર્થીઓના અભ્યાસ અંગે ચાલી રહેલી લાલિયાવાડી સામે ગુજરાત ટેકનોલોજીકલ યુનિવર્સિટી (ગુજરાત ટેકનોલોજીકલ યુનિવર્સિટી) એક્શન મોડમાં આવી છે. GTU દ્વારા 435 સંલગ્ન કોલેજોમાંથી ઓનલાઈન સેલ્ફ-ડિસ્ક્લોઝર મંગાવવામાં આવ્યું હતું. જેમાં લેબોરેટરીમાંથી શિક્ષકો, આચાર્ય અને સ્ટાફની અછત ધરાવતી કોલેજો સામે કાર્યવાહી કરવામાં આવી છે. ડિપ્લોમાની 4 અને એન્જિનિયરિંગની 5 સહિત કુલ 9 કોલેજોને નો-એડમિશન ઝોનમાં મૂકવામાં આવી છે. જ્યારે 38 કોલેજોની વિવિધ ફેકલ્ટીની 4775 બેઠકો ઘટી છે.
ગુણવત્તાયુક્ત ટેકનિકલ શિક્ષણ માટે ગુજરાત ટેકનોલોજીકલ યુનિવર્સિટી દરેક સ્તરે ખરી ઉતરી છે. જેના આધાર પર જીટીયુ દ્વારા તમામ સંલગ્ન સંસ્થાઓમાં હાથ ધરાયેલ શૈક્ષણિક નિરીક્ષણ જેવા મહત્વના પરિબળો કામ કરી રહ્યા છે. તાજેતરમાં જીટીયુએ 435 સંલગ્ન કોલેજો પાસેથી ઓનલાઈન સેલ્ફ-ડિસ્ક્લોઝર મંગાવ્યું હતું. જેની ચકાસણી બાદ શિક્ષણ ક્ષેત્ર સાથે સંકળાયેલા તજજ્ઞો દ્વારા 280 સંલગ્ન કોલેજોનું નિરીક્ષણ કરવામાં આવ્યું હતું. જેમાંથી 38 કોલેજોમાં ફેકલ્ટી અને લેબોરેટરીની અછત છે અને કેટલીક સંસ્થાઓમાં છેલ્લા 3 વર્ષથી ડાયરેક્ટર કે પ્રિન્સિપાલની જગ્યા ખાલી છે, ત્યારે ધોરણ મુજબ પગલાં લેવાયા છે.
આ અંગે જીટીયુના કુલપતિ પ્રો.ડો.નવીન સેઠે જણાવ્યું હતું કે, ટેકનિકલ શિક્ષણમાં કોઈ ઉણપ ન રહે તે માટે જીટીયુ અને એઆઈસીટીઈના ધારાધોરણ મુજબ તમામ નિયમોનું ચુસ્તપણે પાલન કરવું જરૂરી છે. શૈક્ષણિક નિરીક્ષણથી શિક્ષણની ગુણવત્તામાં વધારો થશે. GTU દ્વારા હાથ ધરવામાં આવેલા 280 શૈક્ષણિક ઈન્સ્પેક્શનમાંથી કુલ 38 કોલેજની બેઠકો ઘટાડવામાં આવી છે. જેમાંથી ડિગ્રી એન્જિનિયરિંગની 15 કોલેજોમાં 1295 બેઠકો, એન્જિનિયરિંગની 18 કોલેજોમાં 3300, ફાર્મસીની 1 કોલેજમાં 60 બેઠકો અને MBA અને MCAની 3 અને 1 કોલેજમાં અનુક્રમે 60 અને 60 બેઠકો કરવામાં આવી છે.
આમ તમામ ફેકલ્ટીમાં 38 કોલેજોની કુલ 4775 બેઠકો ઘટી છે. આ બાબતે જીટીયુ દ્વારા એસીપીસીને પણ જાણ કરવામાં આવી છે. આ ઉપરાંત જીટીયુ દ્વારા કુલ 9 કોલેજોને નો-એડમિશન ઝોનમાં મૂકવામાં આવી છે જેમાં 4 ઈજનેરી કોલેજો અને 5 ડીગ્રી ઈજનેરી કોલેજો જે શૈક્ષણિક ઈન્સ્પેક્શનમાં જીટીયુના માપદંડોને પૂર્ણ કરતી નથી.
