સતત ખરાબ પ્રદર્શન વચ્ચે કોહલી અનુષ્કા સાથે ભજન-કીર્તનમાં પહોંચ્યો, તસવીર થઈ વાયરલ

વિરાટ કોહલી અઢી વર્ષ સુધી આંતરરાષ્ટ્રીય સદી અને પાંચ મહિના સુધી અડધી સદી ફટકારી શક્યો ન હતો.

ટીમ ઈન્ડિયાનો પૂર્વ કેપ્ટન વિરાટ કોહલી હાલમાં ખૂબ જ ખરાબ ફોર્મમાંથી પસાર થઈ રહ્યો છે. છેલ્લા અઢી વર્ષમાં તે એક પણ સદી ફટકારી શક્યો નથી. કોહલીનો આ ખરાબ સમય ઈંગ્લેન્ડમાં તેનો પીછો નથી કરી રહ્યો. આજે એ જ કારણ છે કે હવે કોહલી ભગવાનની શરણમાં પહોંચી ગયો છે.

હકીકતમાં વિરાટ કોહલી હાલ ઈંગ્લેન્ડ પ્રવાસ પર છે. તેની સાથે તેની પત્ની અનુષ્કા શર્મા પણ છે. બંને લંડનમાં ભજન-કિર્તનના કાર્યક્રમમાં હાજરી આપવા પહોંચ્યા હતા. ઇવેન્ટમાં પહોંચેલા કોહલી અને અનુષ્કાનો ફોટો પણ સામે આવ્યો છે.

તમને જણાવી દઈએ કે ટીમ ઈન્ડિયા અને ઈંગ્લેન્ડ વચ્ચેની ત્રણ મેચની વનડે સીરીઝ પણ 1-1 થી બરાબર થઈ ગઈ છે. શ્રેણીની અંતિમ એટલે કે નિર્ણાયક ODI પણ રવિવારે માન્ચેસ્ટરમાં શરૂ થશે.

લંડનમાં આયોજિત ભજન-કીર્તનમાં કોહલી તેની પત્ની સાથે પહોંચ્યો હતો

આ ભજન-કીર્તનનું આયોજન અમેરિકાના પ્રખ્યાત ગાયક કૃષ્ણ દાસ દ્વારા કરવામાં આવ્યું હતું. તે ભક્તિ ગીતો માટે પ્રખ્યાત છે. કોહલી અને અનુષ્કા પણ તેમના કીર્તનમાં હાજરી આપવા પહોંચ્યા હતા. કૃષ્ણ દાસના શિષ્યોમાંથી એક હનુમાનદાસે એક ફોટો શેર કર્યો છે. જેમાં તે કોહલી અને અનુષ્કા સાથે જોવા મળે છે.