ગુજરાતમાં આતંકી મોડ્યુલનો પર્દાફાશઃ ISISના સંપર્કમાં ચાર વ્યક્તિઓ, ATSની તપાસમાં ખુલાસો
PM મોદી આજથી ગુજરાતના પ્રવાસે છે તે પહેલા ગુજરાત ATS દ્વારા આતંકી મોડ્યુલને ઝડપી પાડવામાં આવ્યું છે.
- વડોદરામાં નવું ટેરર મોડ્યુલ
- ATS એ ધરપકડ કરી અને તપાસ શરૂ કરી
- 4 વ્યક્તિઓની અટકાયત બાદ તપાસ
ગુજરાત ATSએ આતંકી મોડ્યુલનો પર્દાફાશ કર્યો
વડાપ્રધાન નરેન્દ્ર મોદી આજે સાંજથી ગુજરાતની મુલાકાતે આવવાના છે. વડાપ્રધાન આવતીકાલે વડોદરા જવા રવાના થવાના છે. વડાપ્રધાન વડોદરા આવે તે પહેલા ગુજરાત ATS દ્વારા ટેરર મોડ્યુલને ઝડપી પાડવામાં આવ્યું છે. વડોદરાના ડો. સદાબ અને સાબીહાની, જ્યારે ગોધરાના ઈશાક અને દાણીલીમડામાંથી પટણીની અટકાયત કરવામાં આવી છે. આ તમામ લોકો ISIS હેન્ડલર્સના સંપર્કમાં હોવાની આશંકા છે.
વડોદરામાંથી 2 સહિત રાજ્યમાંથી 4ની અટકાયત કરવામાં આવી હતી
એટીએસ દ્વારા સતત બીજા દિવસે ડોક્ટર અને યુવતીની પૂછપરછ કરવામાં આવી હતી. વિદેશથી મોકલવામાં આવેલા પૈસા યુવતી અને ડોક્ટરના ખાતામાં ટ્રાન્સફર કરવામાં આવ્યા હતા. વિવિધ રાજ્યોમાં હુમલાની ધમકી બાદ સુરક્ષા એજન્સીઓ એલર્ટ મોડ પર છે. ATSએ લોકોના તમામ મોબાઈલ, લેપટોપ જપ્ત કર્યા છે. આ તમામ લોકો સોશિયલ મીડિયા દ્વારા ISISના હેન્ડલર્સના સંપર્કમાં હતા. સોશિયલ મીડિયા પરની ચેટ અંગે પણ તપાસ શરૂ કરવામાં આવી હતી.
ડૉ. સાદાબ પાનવાલાની ATS દ્વારા બુધવારે વડોદરાથી અટકાયત કરવામાં આવી હતી
ઉલ્લેખનીય છે કે ગત 16મી જુલાઇના રોજ એટીએસ દ્વારા સાદબ પાનવાલા નામના વ્યક્તિની અટકાયત કરવામાં આવેલા ડો. સદાબ પાનવાલાના પ્રતિબંધિત સંગઠન સિમી સાથે કનેક્શન ધરાવતા ડૉ. ડૉ. સદાબ પાનવાલા જેઓ મુસ્લિમ ડૉક્ટર્સ એસોસિએશનના સભ્ય છે. અગાઉ અમદાવાદ સિરિયલ બોમ્બ વિસ્ફોટના મામલે એટીએસે તેની અટકાયત પણ કરી હતી. અમદાવાદ ATSએ સ્થાનિક પોલીસ સાથે મળીને પૂછપરછ હાથ ધરી હતી. ATS રાજ્યભરમાંથી 3 થી 4 વ્યક્તિઓની પૂછપરછ કરી રહી છે. જોકે, સમગ્ર મામલાનું કારણ હજુ અકબંધ છે.
